Avropa Birliyi 2030-cu ilə qədər super hərbi gücə çevrilmək istəyir
Martın 20-də Avropa İttifaqı liderlərinin toplantısında gəlinən yekun rəy belə olub ki, Aİ 2030-cu ilə qədər güclü müdafiəyə malik olmalıdır. Bütün Aİ liderləri qurum üzvü dövlətlərin beş il ərzində güclü müdafiə gücünə malik olmasını istəyirlər. Bununla da üzv dövlətlər Avropa Komissiyasının 2030-cu ilə qədər yenidən silahlanma, kifayət qədər çəkindirici gücə və yaxşı işləyən müdafiə sənayesinə malik olma planını dəstəklədiklərini ifadə ediblər. Cümə axşamı gecə qəbul edilən birgə bəyanata görə, hökumət başçıları Komissiyanın müdafiə təkliflərinin sürətlə həyata keçirilməsinə çağırır.
Bəyanatda deyilir: “Təhlükəsizlik və müdafiə sahəsində daha güclü və bacarıqlı Avropa İttifaqı qlobal və transatlantik təhlükəsizliyə müsbət töhfə verəcək və NATO-nun tamamlayıcısıdır”.
Üzv dövlətlər üçün NATO kollektiv müdafiənin “təməli” olaraq qalır.
Avropa liderləri maliyyələşdirmə variantlarının daha da işlənib hazırlanmasını istəyirlər.
800 milyard avro
Avropa Komissiyasının sədri Ursula von der Leyen Aİ-nin qarşıdakı dörd il ərzində müdafiəyə 800 milyard avro sərmayə qoymasını istəyir. Von der Leyenin sözlərinə görə, milli büdcə qaydalarını yumşaltmaqla əlavə 650 milyard avro sərmayə qoymaq olar. Üzv dövlətlər həmçinin Birlik Fondunun pulunu müdafiə investisiyaları üçün istifadə edə bilərlər, bu pul kasıb regionların inkişafına kömək etmək üçün nəzərdə tutulub. Bundan əlavə, Komissiya üzv dövlətlərə kreditlər vermək istəyir ki, onlar müdafiə avadanlığı ala və ya istehsal edə bilsinlər. Bunun üçün 150 milyard avro vəsait var.
